Sekuestrohen Specialistët e Sektorit Kundër Narkotikëve, në Drejtorinë Vendore të Policisë Elbasan në kuadër të një hetimi të ndjekur prej kohësh me metoda speciale të hetimit, finalizuan operacionin e koduar “Brilant”.
Si rezultat i një pune të mirëorganizuar u bë arrestimi në flagrancë i
• Besim Plaka, 23 vjeç banues në fshatin Trojas, Belsh.
Arrestimi i tij u bë pasi gjatë kontrollit të ushtruar në banesën e tij në fshatin Trojas Belsh , grupi hetimor gjeti dhe sekuestroi në cilësinë e provës materiale:
• 21 kg lëndë narkotike të dyshuar me atë të llojit ‘’Cannabis Sativa‘’
• 39 copë fishekë arme zjarri model 54, kalibër 7.62 mm.
• 1 aparat telefoni celular.
Grupi hetimor vijon hetimet për identifikimin dhe kapjen e bashkëpunëtorëve të tjerë të përfshirë në këtë aktivitet kriminal.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 283 dhe 278/2 të Kodit Penal.
VIDEO & EMRI/ “Brilant” sekuestron në Belsh kanabis e fishekë
