Prokuroria e Durrësit ka nisur nga dje verifikimet në bazë të informacionit mediatik, për 1300 kontenierët, me mbetje të rrezikshme, që dyshohet se kanë hyrë dhe janë “zhdukur” në Shqipëri.
Nisin hetimet edhe në Shqipëri për skandalin e zhdukjes së 1300 kontenierëve me lëndë kimike të zhdukura në territorin e vendit tonë.
Mësohet se pas shkrimeve të mediave italiane dhe atyre shqiptare është hapur një çështje kryesisht si dhe Prokuroria e Durrësit ka nisur verifikimin e informacionit të bërë publik në media.
Objekt i verifikimit nga ana e organit të akuzës në Durrës, do të jenë hyrjet në Portin e Durrësit të kontenierëve, të mallrave që kanë transportuar dhe do të bëjnë krahasimet me daljet nëpër doganat e tjera të Shqipërisë.
Sipas medias italiane, prokuroria e Antimafias në Romë ka nisur hetimet në lidhje me zhdukjen e 1300 kontenierëve me lëndë kimike. Sipas medias italiane, pikërisht kreu i kësaj prokurorie, Franco Roberti në vizitën e tij në Tiranë ka diskutuar për këtë çështje.
Skandali i mbetjeve të groposura në Shqipëri, Prokuroria fillon verifikimin
