Rama dhe Meta zhvendosin takimet “konfidenciale” në “fushë neutrale”

Krerët e koalicionit qeverisë, pas darkës më të fundit javën e kaluar, kanë zhvilluar më në fund, takimin e tyre të radhës “konfidencial”.
Takimi i sotëm, i cili zgjati prej më se një ore, është zhvilluar në “fushë neutrale”, te Vila qeveritare Nr. 30, në ish-Bllok, ndryshe nga takimet e fundit, ku Edi Rama dhe Ilir Meta, reciprokisht kanë qenë mysafirë të njëri-tjetrit, në zyrat e institucioneve që drejtojnë.
Në takim, mësohet se Edi Rama shoqërohet nga kreu i grupit parlamentar ët PS-së, Gramoz Ruçi, dhe sekretari i Përgjithshëm i Këshillit të Ministrave, Ëngjëll Agaçi, ndërsa Ilir Meta shoqërohet nga ministri i Drejtësisë Petrit Vasili.
Nuk ka ende ndonjë informacion për tematikën e këtij takimi, por besohet se zhvillimet e fundit politike, protesta, reforma zgjedhore, apo edhe Vettingu.
Në përfundim të takimit, nuk ka pasur ndonjë reagim nga askush, ndërsa Gramoz Ruçi ka bërë të ditur se më vonë do të ketë komunikim për këtë takim.