Një 35-vjeçar është arrestuar nga policia e Tiranës pasi ka kanosur me armë gjahu kunatën e tij si dhe ka ushtruar dhunë fizike edhe ndaj vëllait të tij.
Në pranga ka rënë Krenar L., 35 vjeç, banues në Tiranë, si dhe u referuan materialet në Prokurorinë e Rrethit Gjyqësor Tiranë, për shtetasit N. L., 30 vjeçe dhe G. L., 76 vjeç, banues në Tiranë, sepse në rrugën e “Arbërit”, në Kamëz, Krenar L., ka kanosur me armë gjahu, kunatën e tij, shtetasen A. H., 34 vjeç, banuese në Tiranë dhe ka ushtruar dhunë fizike dhe psikologjike ndaj vëllait të tij, F. L., 44 vjeç, banues në Tiranë, ndërsa shtetasja N. L. (nusja e Krenar L.), ka ushtruar dhunë psikologjike ndaj kunetërve të saj, F. L., dhe A. H.,
Krenar L., iu bllokua në cilësinë e provës materiale arma e gjahut, tip “Shotgan”, të cilën e ka me leje, ndërsa xhaxhait të tij G. L., iu gjetën e bllokuan në cilësinë e provës materiale 94 copë fishek, kalibër 7.62 mm.
Ndërkohë, mësohet se A. H., iu plotësua kërkesë padia për lëshimin e urdhrit të mbrojtjes së menjëhershme. Materialet u referuan në Gjykatën e Rrethit Gjyqësor Tiranë “për masa ndaj dhunës në marrëdhëniet familjare”, dhe Nenet 130/a, 278 dhe 84 të Kodit Penal.
DETAJE/ Kamëz, sherr “masiv” në familje, burri me ndihmën e gruas kanos dhe dhunon vëllezërit e kunatat e tij
