Një punonjës i Gardës së Republikës është vënë në pranga nga Policia e Vlorës, pasi është përfshirë në një aksident rrugor. Ajo çka e rëndon është më shumë Genci Ademajn, me detyrë trupë shërbimi në Gardë, është fakti se në momentin e aksidentit ai ka qenë në gjendje të dehur.
Arrestimi i 29-vjeçarit Ademaj u krye mbrëmjen e djeshme rreth orës 23:30, nga Sektori i Shërbimit për Çështjet e Brendshme dhe Ankesat (SHÇBA) në bashkëpunim me Sektorin e Policisë Rrugore të Drejtorisë Vendore Vlorë, pasi teksa ishte duke drejtuar automjetin e tij me targa AA 253 OM u përplas me një automjet tjetër.
Sipas pasojë e përplasjes ai ka pësuar dëmtim të lehtë.
Nga kontrolli i shërbimit policor rezultoi se punonjësi i Gardës, Genci Ademaj kishte përdorur alkool mbi normat e lejuara.
Materialet në ngarkim të tij iu referuan Prokurorisë pranë Gjykatës së Rrethit Gjyqësor Vlorë për akuzën e “Drejtimit të mjeteve në mënyrë të pa rregullt” .
FOTO & EMRI/ Vlorë, prangoset gardisti, i dehur në timon përplaset me një tjetër makinë
