Në çadrën e protestës, kryetari i kësaj partie, sonte në mbrëmje, kreu i PD-së Lulzim Basha prezantoi të ftuarin special, përfaqësuesin e partisë së Angela Merkel në Gjermani, Paul Ziemak.
Nën rolin e kryetarit të forumit rinor të partisë demokristiane CDU, Ziemak thuri lavde për protestën e opozitës, duke thënë që ishte aq e zhurmshme sa dëgjohej deri në Gjermani.
“Protesta juaj është aq e zhurmshme sa e dëgjojmë deri në Gjermani. Aq e zhurmshme sa vendosa të vij e t’ju mbështes. Erdha si qytetar i botës së lirë dhe si vëlla i njerëzve që kërkojnë demokracinë. Është hera e dytë për mua në këtë vend të mrekullueshëm dhe jam i lumtur që shoh kaq të rinj dhe mesazhi është: Në Gjermani, në Europë dhe në gjithë botën dëgjohet zëri juaj dhe duam t’ju mbështesim sepse të gjithë atyre që janë të korruptuar u themi që do t’ju mundim. Gjëja e parë që më tha sot Basha kur e takova, po fliste për familjen e fëmijët e tij, dhe më tha nuk e bëj këtë për vete, por për fëmijët e mi dhe gjeneratën e re të vendit” tha Ziemak.
Zyrtari i Merkel për protestën e PD: Ishit aq të zhurmshëm sa dëgjoheshit deri në Gjermani
