Dy persona janë vënë në pranga pasi kanë kërcënuar, mbajtur peng dhe vënë një gjobë një personi. Gjatë operacionit policor të koduar “Dërmenas” janë arrestuar Nezir Bullaku, 48 vjeç, banues në Dermenas, Fier, i dënuar më parë për vrasje në tentativë dhe Afrim Berisha, banues në Dërmenas, Fier.
Arrestimi i këtyre dy personave është bë pasi kanë shtrënguar nëpërmjet kanosjes për t’i marrë një pasuri në shumën 50.000 euro shtetasit me inicialet E. R.
Në periudha të ndryshme kohore në bashkëpunim me njëri-tjetrin, i kanë marrë duke e kanosur deri ditën e sotme shumën prej 31.500 euro këtij personi.
Në momentin e arrestimit, shtetasve Nezir Bullaku dhe Afrim Berisha, iu sekuestrua një shumë prej 3000 eurosh, të cilën sapo ia kishin marrë duke e kanosur shtetasit të dëmtuar.
Në cilësinë e provës materiale u sekuestruan shuma prej 3000 eurosh, disa aparate celular të përdorur nga të dyshuarit dhe një karikator arme zjarri pistoletë.
Materialet iu referuan Prokurorisë pranë Gjykatës së Krimeve te Rënda Tiranë për këta persona si autor të dyshuar për veprën penale “Shtrëngim me anë të kanosjes ose dhunës për dhënie pasurie” dhe “Mbajtje pa leje të armëve dhe municioneve luftarake”.
VIDEO & EMRA/ Arrestohen pengmarrësit për gjobvënie 50 mijë euroshe
