Burime nga organi i akuzës, kanë bërë ët ditur shifrën zyrtare të grabitur dje, në aksin Qafë Kashar – Rinas. Mësohet se shifra grabitur sipas prokurorisë së Tiranës e cila po ndjek hetimet, është 2.7 milion euro.
Ndërkohë, pritet që nesër për 6 të arrestuarit do të zhvillohet seanca gjyqësore e masës së sigurisë, ku prokuroria do të kërkojë “arrest me burg” për 6 të prangosuri, me akuzën e “shpërdorimit të detyrws”.
Sipas burimeve zyrtare të Policisë Vendore të Tiranës, mësohet se, dje, rreth orës 13:24, në segmentin Rrugorë interurban Qafë Kashari – Rinas, janë vjedhur me armë zjarri, nga disa persona të paidentifikuar, dy automjete në dukje të blinduara të një Shoqërie Private të Sigurisë Fizike, e më pas janë larguar me dy mjete të cilat janë gjendur të djegura pranë vendit të ngjarjes.
Shumat monetare që po transportoheshin në drejtim të Rinasit ishin të një banke të nivelit të dytë, shumë e cila ende nuk është përcaktuar.
Materialet proceduriale do ti kalojnë Prokurorisë së Rrethit Gjyqësor Tiranë, për veprat penale të “Vjedhjes me arme” kryer në bashkëpunim mbetur në tentative dhe “Shpërdorim detyre”, parashikuar nga Nenet 140-25 dhe 248 të Kodit Penal.
Në vendngjarje janë gjetur dhe sekuestruar në cilësinë e provës materiale
– 13 gëzhoja, model 64 dhe model 56
– 2 automjetet e Shoqërie Private të Sigurisë Fizike
– 2 automjetet e djegura plotësisht, të dyshuara të përdorura nga autorët.
Janë arrestuar
• Fatmir Gapi, 56 vjeç, banues në Tiranë, me detyre drejtues teknik i SHPSF
• Xhelil Metaj , 43 vjeç, banues në Tiranë, me detyre punonjës SHPSF,
• Gentian Dedja , 31 vjeç, banues në Tiranë, me detyre punonjës SHPSF,
• Perparim Logu , 39 vjeç, banues në Tiranë, me detyre punonjës SHPSF,
• Endrit Daçi, 31 vjeç, banues në Tiranë, me detyre shofer i shoqërisë,
• Dashamir Balla, 42 vjeç, banues në Tiranë, me detyre shofer i shoqërisë.
