Mbrëmjen e djeshme në emisionin “STOP”, një infermier ka marrë guximin të nxjerrë në shesh të gjitha mashtrimet e Ilir Beqes sic i quan ai.
Frrok Bardhi, i cili prej 15 vitesh punonte në Urgjencën e Tiranës, ka treguar pamjet e vërteta të një autoambulance dhe kushtet e mjerueshme të këtij shërbimi, duke sjellë në vëmendje arritjet e pretenduara të Ministrit Beqaj dy ditë më parë.
Bardhi, i revoltuar nga kushtet skandaloze në ambulance, ka treguar se si janë ato nga brenda, ku supozohet të shpëtohen jetë njerëzish.
Këto janë ato që demostron Beqaj, janë mbeturina…dakort?! Kjo është maska e oksigjenit të Ilir Beqes… Beqaj mendon se janë të gjithë frikacakë dhe u shpëton sh…,ja ky është investimi i autoambulancave të Beqes, këtë u tregonte ai shqiptarëve, këto janë arritjet e tij?!,- ka thënë ndër të tjera Bardhi.
