Deputeti i PS Alfred Peza e quan politikisht të sajuar historinë që qarkullon në lidhje me pasurinë e tij.
Për Top Story, ai akuzoi Partinë Demokratike se po e bën këtë për tërhequr vëmendjen nga hetimi i CEZ-it.
“Ka një reciprocitet politik në sulmin tim. Reciprociteti ishte hajde të shpikim një histori paralele në anën e mazhorancës që bën fjalë po për miliona dhe njerëz politikë dhe u gjet historia e Alfred Pezës”, tha ai, duke shtuar se shkrimi fillestar për pasurinë e tij jep me qëllim pasaktësi.
Ai gjithashtu tha se një pjesë e madhe e të ardhurave të tij vijnë nga interesat bankare kundrejt kapitalit të tij të grumbulluar ndër vite. Për 40 minutat e pjesës së parë u duk se Peza nuk dha shumë informacion por si “merak” kishte faktin që të tregonte mënyrën modeste të të jetuarit.
Sokol Balla është habitur nga interesi i lartë prej 8.5% që ka përfituar Peza ku normalisht ai nuk luhatet më shumë se 3%. Megjithatë ky detaj u anashkalua.
