Kreu i i PD, Lulzim Basha ndodhet në Bruksel ku po merr pjesë në mbledhjen e partive të djathta europiane.
Kjo është njoftuar vetë nga Basha në Facebook, ku thotw se në mbledhje u diskutua për politikën e Bashkimit Europian.
Sipas kreut demokrat, qëllimi i takimit është bashkërendimi i aktiviteteve politike gjatë këtij viti, duke parë se për disa parti ky është vit elektoral.
“Nga Uashigtoni sot udhëtova drejt Brukselit ku po marr pjesë në Asamblenë Politike të Partisë Popullore Europiane, familjes së partive të djathta europiane ku bën pjesë edhe Partia Demokratike. EPP, si partia më e madhe në Komisionin dhe Parlamentin Europian, luan një rol kyç në politikën e Bashkimit Europian.
Një nga qëllimet kryesore të takimit është bashkërendimi i aktiviteteve politike gjatë këtij viti, i cili për disa nga partitë anëtare është vit elektoral, përfshi CDU-në e Merkelit, republikanët francezë dhe, natyrisht, Partinë Demokratike të Shqipërisë. Familja jonë politike do të na ndihmojë dhe mbështesë fuqimisht për fitoren tonë në zgjedhjet e ardhshme”, shkruan Basha.
