Kreu i FRPD Belind Këllici ka reaguar për fjalimin e Ramës në kongresin e FRESSH. Këllici tha se Rama sot foli për të rinjtë në një sallë ku 90% e tyre janë të papunë. Kreu i të rinjve demokratë deklaroi po ashtu se mijëra maturantëve të vendit iu pre në mes endërra për të ndjekur shkollimin dhe kryeministri vetëm flet dhe mashtron. Kjo është deklarata e tij:
Sot në 25 vjetorin e FRESSH, Edi Rama mbajti një fjalim të gjatë, të gjatë, të gjatë dhe tha atë që e ka mjeshtrinë e tij më të madhe, mashtrim, mashtrim, mashtrim.
Flet për votën, njeriu që shkatërroi procesin politik. Njeriu që futi krimin për të shantazhuar për votën, përdori hashashin për të marrë votën, lekët e krimit dhe korrupsionit për të blerë votën. Njeriu i cili refuzoi procesin politik dhe zgjedhjet edhe brenda vetë PS duke u rizgjedhur në krye të partisë me referendum dhe 95.5% të votave.
Sot nuk tha asnjë fjalë për 300 mijë vendet e punës, sepse dhe në atë sallë 90% e atyre në moshë pune janë të papunë. Se jo vetem s’ka hapur asnjë vend pune, por e ka shtuar papunësinë varfërinë e mjerimin.
Sot nuk u tha asnjë fjalë të rinjve për arsimin e lartë sepse është përgjegjës për kaosin e shkaktuar. Mijëra maturantë humbën të drejtën e zgjedhjes së degës në bazë të meritë preferencës. Mijëra maturante u shtynë drejt universiteteve private duke rritur dëshpërimin tek prindërit për të siguruar paratë e mjaftueshme për arsimimin e fëmijeve. Qindra studente u detyruan të ndërpresin studimet për shkak të tarifave të rritura në universitete.
Nuk pati kurajon sot ti thotë asnjë fjalë nënës së Ardit Gjoklajt, të cilës i hapi një plagë në zemër me vrasjen makaber të djalit të saj. Edhe Arditi kishte endrra dhe dëshira. Të shkonte në shkollë si gjithë bashkëmoshatarët. Por vrasësit që ti mbron sot, Erion Veliaj e kryetari i PS së Peqinit ia prenë në mes.
Edi Rama doli sot para të rinjve krenar për vlerat që promovon, Elvis Roshin i dënuar për përdhunim në grup, Arben Ndokën tutor prostitutash, Mark Frrokun tutor dhe vrasës. Artur Bushin trafikant droge e dhjetra të tjerë me meritë se kanë kryer krime, merren me trafik droge ose prostitucioni.
Ky është modeli i Ramës në qeverisje, por ky nuk është dhe nuk mund të jetë kurrë modeli i të rinjve që e duan Shqipërinë si e gjithë Europa.
