Deputeti i PS-së, Taulant Balla nuk ka pasur mundësi këto ditë të përplaset në Parlament dhe ka shfrytëzuar një mundësi të vogël për të marrë përpara zyrën e shtypit të PDIU-së, partisë aleate të qeverisë Rama.
Ai ka nisur një email në adresën e kësaj partie ku korrigjon një gabim serioz në deklaratën e partisë së Idrizit për arritjen e marrëveshjes së shqiptarëve të Maqedonisë.
Në deklaratë thuhej se “prej 10 vitesh nga marrëveshja e Ohrit…”. Këtë gabim e ka kapur deputeti Balla që nuk ka hezituar ta sqarojë zyrën e shtypit të PDIU se marrëveshja e Ohrit ka më shumë se 15 vjet që është arritur, që më 13 gusht 2001.
