Një aksident automobilistik ka ndodhur në aksin rrugor Gramsh- Trashovicë. Bilanci rezulton një i vdekur dhe tre të plagosur. Ngjarja ka ndodhur mbrëmë në mesnatë.
Automjeti tip Ford me targë AA 847 MY i drejtuar nga Agim Metani 57 vjeç, ka devijuar nga rruga dhe ka përfunduar në greminë. Për pasojë ka gjetur vdekjen e menjëhershme shoferi Agim Metani dhe kanë mbetur të plagosur tre shtetas të tjerë.
Në vendin e ngjarjes shkuan menjëherë reparti i zjarrfikseve dhe policia të cilat dhanë ndihmën e parë duke transportuar të lënduarit për në spital.
Ende nuk dihen shkaqet e aksidentit. Automjeti ka devijuar nga rruga dhe ka rënë në një lartësi të konsiderueshme duke përfunduar me gomat lart në fund të një gremine.
Po punohet për zbardhjen e rrethanave të ngjarjes.
Aksident me humbje jete në Gramsh, makina bie në humnerë
