Një tragjedi ajrore ka ndodhur sot në mesnatë në Kolumbi. Mësohet se një avion me 81 pasagjerë në bord është rrëzuar në Medellin, ndërsa thuhet se 6 persona kanë mbijetuar. 9-prej pasagjerëve ishin futbollistë nga Brazili. Mediat e huaja pohojnë se në bord ishin futbollistët brazilianë të skuadrës së Chapocoense, të cilët do të luanin në Kolumbi ndeshjen e finales së Kupës së Amerikës Jugore.
Mësohet se avioni ka rënë në një zonë malore në qytetin Medellin.
Pas aksidentit është anuluar finalja që do të luhej me datë 1 dhjetor. Konfederata e futbollit të rajonit njofton se ndeshja nuk do të luhet deri në një urdhër të ri.
Të mbijetuarit që bëhet me dije të jenë vetëm 6 persona janë futbollisti Alan Ruschel,Danilo dhe Jackson Fallmann si edhe masazhisti i grupit. Identiteti i të shpëtuarve të tjerë nuk dihet ende.
