Presheva dhe Bujanoci, qytete të banuara me shumicë shqiptare në Serbi ngritën dje flamurin kombëtar dhe festuan Ditën e Flamurit ashtu si në qytetet tjera shqiptare në rajon.
Por në Luginën e Preshevës, Dita e Flamurit nuk u festua në të gjitha vendbanimet shqiptare, sidomos në Medvegjë, ku policia serbe ka ndërhyrë në shkollën e mesme “Nikola Tesla” dhe ka arrestuar disa nxënës shqiptarë të cilit kishin ngritur një flamur shqiptar në shkollë. Në mesin e nxënësve të arrestuar ka qenë edhe djali i Zv.kryetarit të Kuvendit të Medvegjës, 15-vjeçari Armend Sahiti. Nxënësit shqiptarë janë marrë në pyetje në rajonin e policisë serbe të Medvegjës dhe u janë kërkuar sqarime për ngritjen e flamurit shqiptar në këtë shkollë.
Prindërit kanë deklaruar për mediat lokale se fëmijët e tyre janë penguar nga ora e mësimit si edhe janë dhunuar gjatë mbajtjes për rreth 2 orë në rajonin e policisë. Ndërhyrja e forcave policore serbe në këtë shkollë të Medvegjës dhe shoqërimi i fëmijëve shqiptarë në rajonin serb të policisë ka shkaktuar panik dhe reagime ndër shqiptarë si dhe tek autoritet lokale në këtë komune. Nënkyretari i Kuvendit të Medvgjës, Florim Sahiti, ashtu edhe zëvëndëskryetarja e Komunës së Medvgjës Leme Xhema, kanë reaguar duke dënuar me ashpërsi këtë akt të policisë serbe ndaj ndaj fëmijëve shqiptarë për shkak të mbajtjes së simboleve kombëtare shqiptare.
Ngritën flamurin shqiptar në Medvegjë, arrestohen të rinjtë
