Kryeministri Edi Rama shmangu përgjigjen për rrëzimin e propozimit të tij për kreun e shefit të Shtabit të Përgjithshëm të Forcave të Armatosura. Ai i kishte propozuar presidentit Bujar Nishani emrin e shefit aktual, Jeronim Bazos, por kreu i shtetit e refuzoi.
I pyetur për këtë, Rama vazhdoi të fliste për rezultatin e zgjedhjeve në Kolonjë, duke thënë se ky ishte një mesazh për opozitën.
“Unë vlerësoj që zgjedhjet e djeshme ishin një tjetër mesazh shumë i qartë, shumë i fortë, lehtësisht i kuptueshëm për të gjithë. Dhe pavarësisht se nuk kam shpresë, uroj që opozita dhe përkatësisht PD ta lexojnë këtë mesazh si detyrim për të reflektuar në lidhje me rolin që opozita duhet të ketë, sepse e ka lënë 3 vjet vendin pa opozitë”.
Edi Rama “në ekstazë” për fitoren e Kolonjës, “nuk ia ndjen” për Jeronim Bazon
