Kryeministri Edi Rama, në më pak se 24 orë, ka modifikuar qëndrimin për mbledhjen e djeshme të “miqve të Shqipërisë” në Bruskel, me ministrat e jashtëm të vendeve të BE-së.
Ndërsa dje, kryeministri shqiptar, shpërfilli Vettingun, si kusht i propozuar për rekomandimin e hapjes së negociatave, sot, ai, jo vetëm e ka pranuar këtë kusht, por “ka shtuar” edhe një “paketë” të tërë kushtesh, që duket është detyruar të pranojë, pas ndonjë “tërheqje vesh” të mundshëm për qëndrimin e tij euforik dje.
“Dje në Bruksel me Përfaqësuesen e Lartë të BE Federica Mogherini, Komisionerin Hahn si edhe me ministrat e jashtëm të vendeve anëtare të BE në takimin e Miqve të Shqipërisë, një nismë e iniciuar nga Austria dhe Italia për të mbështetur rekomandimin e Komisionit në takimin e dhjetorit të Këshillit Europian bazuar në reformat dhe progresin e spikatur të vendit në të gjitha fushat.
Është shumë e qartë që jo vetëm Vettingu, por e gjithë paketa e implementimit të reformës në drejtësi është vetë procesi i negociatave. Ky është një proces që tanimë është pa kthim dhe Shqipëria do t’i çelë negociatat”, shkruan kryeminsitri Edi Rama sot në “Facebook”.
Kush ia “tërhoqi veshin” Edi Ramës, që modifikoi qëndrimin sot…?!
