Edi Rama fyen Shefin e Shtabit të FA dhe i ndërpret fjalën …

Kryeministri Edi Rama ka mbledhur sot sërish Zyrën Operacionale e Situatës.
Ndërsa po raportonin me radhë, anëtarët e kësaj zyre, i erdhi radha edhe Shefit të Përgjithshëm të Forcave të Armatosura.
Edhe Jeronim Baze filloi “ta bëjë shesh me lule” situatën, ndërsa vetëm pak çaste më parë, kryeministri kishte adresuar një problem nga përmbytjet, të banorëve të Lumit të Vlorës.
“Zoti Kryeministër, për sa i përket situatës, ne jemi në të njëjta parametra të gatishmërisë. Jemi të pranishëm në të gjithë territorin e vendit, pavarësisht përmirësimeve që ka pësuar situata e motit në veri 24 orë. Për sa i përket problemit që ju adresuat, do të bëjmë gjithçka për normalizimin e situatës”.
Kjo çuditërisht nuk i ka pëlqyer Kryeministrit, i cili, të tjerët i lejoi të flisnin për “situatë normale”, por njeriut të vetëm me uniformë në mbledhje ia preu fjalën.
“Korrigjo informacionin. Lërë ministren të raportojë se është më e informuar”, ndërhyri Rama duke “i fikur” audion Shefit të Shtabit të Përgjithshëm të FA-së.
… Pas kësaj fjalën e mori ministrja e Mbrojtjes Mimi Kodheli e cila edhe ajo foli për një “situatë normale” … /DRONI.al/