VIDEO/ Shokohen gjimnazistët, prindërit rrahin mizorisht vajzën në oborrin e shkollës

Një adoleshente është rrahur mizorisht nga familjarët e saj, në oborrin e shkollës “12 Maji”, në Rahovec të Kosovës.
Vajza me iniciale Sh. B. është nxjerrë me dhunë në oborrin e shkollës nga prindërit e saj, të cilët pasi e kanë rrahur me grushte e shkelma, e kanë tërhequr zvarrë duke e futur në makinë.
Skenat e tmerrshme janë parë nga nxënësit e shkollës, të cilët janë shokuar nga dhuna që po ushtrohej ndaj shoqes së tyre. Gjimnazistët e kanë filmuar ngjarjen me celular, ndërsa tashmë videoja është shpërndarë në media dhe në rrjetet sociale.
“Botapress” shkruan se personat që ushtrojnë dhunë ndaj vajzës janë nga fshati Dejnë i komunës së Rahovecit. Ndërkohë nuk dihet ende arsyeja që i ka shtyrë prindërit të dhunojnë mizorisht vajzën e tyre.