Ambasadori amerikan Donald Lu ka folur sot lidhur me trafikun e drogës duke theksuar se kultivimi e trafikimi i saj ka lidhje të qarta politike. “Ne e dimë që ka anëtarë të Parlamentit dhe drejtues bashkish të lidhur me trafikun”, tha ambasadori Lu.
Ai foli sot për problemin e narkotikëve në Shqipëri në një takim me studentët e Fakultetit të Gazetarisë. “Shtetet e Bashkuara kanë nxitur qeverinë e Shqipërisë në luftën kundër trafikut të narkotikëve. Megjithatë, ne si komunitet ndërkombëtar duhet të bëjmë më shumë për këtë problem”, ka shtuar Lu.
