Rihanna ka pranuar çmimin më të rëndësishëm të mbrëmjes dhe Drake ka qenë ai që ia ka dorëzuar. Drake është vonuar pak në ceremoni për shkak të traifikut dhe nuk ka qenë i pranishëm për të pranuar çmimin që ai ka fituar, por ai ka arritur për momentin më të rëndësishëm.
Pas performancës së katërt dhe të fundit të Rihannas, Drake është ngjitur në skenë dhe i ka përmendur të gjithë sukseset dhe ka thënë të gjitha lëvdatat e mundshme, derisa ia ka dhuruar çmimin, shkruan lajmi.net. Por, momenti që bëri publikun të shpërthejë ishte kur reperi i ka shprehur dashurinë këngëtares para gjithë të pranishmëve dhe shikuesve.
Drake ka thënë: “Ajo është personi me të cilën jam dashuruar që nga mosha 22-vjeçare”, duke bërë që Rihanna të reagojë me buzëqeshje dhe të pranishmit të mos i ndalin të bërtiturat. Megjithatë, e gjitha që Drake ka marrë është një përqafim i ngrohtë nga dashuria e jetës së tij!
