Zjarri nuk ka po ndalet në zonën e Shëngjinit duke rrezikuar seriozisht djegien eplotë të pyllit si dhe përfshirjen e lagjeve periferike nga flakët.
Prefekti Eduard Ndreca e ka përcaktuar situatën tepër të rëndë, ndërsa kërkohet edhe ndihmë nga Italia për ndërhyrje nga ajri. Raportohet se në zonën ku ka rënë zjarri po dëgjohen shpërthime si rezultat i mbetjeve eksplozive që nga periudha kur zona ishte e kufizuar vetëm për ushtarakët.
Në terren ndodhen 100 ushtarë që po ndihmojnë, kurse nga ajri po patrullojnë dhe po punojnë për shuarjen e flakëve dy helikopterë të ushtrisë. Ai sqaron më tej se duhen helikopterë me kapacitet më të madh dhe për këtë kërkohet ndihmë nga Italia.
Helikopterët shqiptarë janë pa kazanë, pasi kur u lidh kontrata me francezët nuk u përfshinë edhe depozitat e lëndëve antizjarr në rastet e emergjencave.
