Mjekët spacializantë te burgjeve, kanë 10 muaj pa marrë pagat. Janë dy ministritë, e Drejtësisë dhe e Arsimit që kanë dhënë ok, por është Arben Ahmetaj i ministrisë së Financave që ju ka bllokuar atyre pagat në kundërshtim me VKM-në.
Shqetësimin e tyre mjekët ia kanë bërë prezent ish-kryeministrit Sali Berisha, pas indiferencës që kanë ndeshur në të gjitha institucionet shtetërore përgjegjëse.
Postimi i plotë i Sali Berishës në “Facebook”
Mjeku dixhital denoncon
Ministrin e financave qe ju ka bllokuar pagat! sb
“Zoti Berisha,ne qe po ju shkruajme jemi nje grup mjekesh specializante te Ministrise se Drejtesise qe kemi filluar specializimin afatgjate ne fushen e mjekesise ne Shkurt 2015 duke lidhur dhe nje kontrate 4 vjecare. Arsyeja qe po ju shkruajme eshte mospagesa prej 10 muajsh nga Ministria e Drejtesise dhe Drejtoria e Burgjeve si drejtori varesie me preteksin e nje VKM-je e cila ne rastin tone po zbatohet me dy standarte pasi specializantet e Ministrive te tjera po vazhdojne te paguhen rregullisht ne baze te se njejtes VKM. Ju lutemi te beni publike problemin tone pasi nga Ministria e Arsimit dhe e Drejtesise ne njefare menyre eshte dhene ok per pagesen tone ndersa Ministria e Financave vazhdon me kapricot e veta.
Ne punojme cdo dite 8 ore, bejme dhe mjek roje dhe nuk paguhemi prej 10 muajsh. Ne kemi familje, qera per te paguar, drita, uje, taksa per te cilat nuk don tia di njeri. I jemi drejtuar me shkresa ministrave, kryeministrit, avokatit te popullit dhe nuk kemi mare zgjidhje. Me respekt mjeket specializante”.
