Specialistët e Seksionit kundër Narkotikëve në drejtorinë Vendore të Policisë së Korçës, kanë finalizuar me sukses Operacionin Antidrogë të koduar “Banesa”, si rezultat i të cilit është bërë kapja dhe arrestimi në flagrancë i dy personave.
Arrestimi i tyre u bë pasi, nga informacione të siguruara në rrugë operative, u mësoua se Armando Hysenllari shpërndante dhe posedonte (në banesën e tij në lagjen nr. 5) lëndë narkotike të llojit Heroinë. Pas këtij informacioni, u organizuan shërbimet dhe falë një ndërhyrjeje efikase, si edhe gjatë kontrollit trupor të këtij shtetasi, iu gjetën dhe sekuestruan me cilësinë e provës materiale, 13 doza me mbështjellje alumini, me lëndë të dyshuar narkotike të llojit Heroinë.
Në banesën e tij, u gjet dhe Rando Duka i dyshuar si bashkëpunëtor me Armando Hysenllarin.
Materialet i kaluan Prokurorisë të Rrethit Gjyqësor Korçë, për veprat penale: “Prodhimi dhe shitja e narkotikëve, kryer në bashkëpunim” dhe “Përshtatja e lokalit (në këtë rast banesës) për përdorim droge” parashikuar nga nenet 283/2 e 285/a të Kodit Penal.
Të arrestuar
Armando Hysenllari, 30 vjeç banues në Korçë.
Rando Duka, 26 vjeç, banues në Korçë.
