Deputeti demokrat, Oerd Bylykbashi tha në një deklaratë për mediat se propozimi i ri i PD nuk përfshin politikën në procesin e vetingut. Duke zbuluar disa nga detajet e propozimit ai tha se PD ka lëvizuar nga propozimi i bërë nga OPDAT dhe EURALIUS lidhur me vendet e rezervuara.
“
PS vazhdon të spekullojë duke pretenduar në mënyrë të gënjeshtërt, duke u përpjekur si gjithmonë që të hedhë hi në sytë e publikut shqiptar se propozimi i PD që është propozim më shumë se dy javor i bërë dhe i kundërshtuar pa asnjë arsyetim deri më sot, është një propozim i cili përfshin politikën në procesin e Vetingut! Kjo është një gënjeshtër flagrante.
Dua ta bëj shumë të qartë që propozimi ynë dhe është qëndrim i ynë parimor që në procesin e Vetingut në përzgjedhjen e Komisionerëve që do të bëjnë Vetingun e gjyqtarëve dhe prokurorëve, partitë politike nuk do të kenë asnjë rol. As në ardhjen e kandidaturave as në filtrimin dhe seleksionimin e tyre. Në këtë process partitë politike, qoftë në mazhorancë, qoftë në opozitë nuk duhet të kenë rol dhe propozimi i PD parashikon ekzaktësisht këtë.
Së dyti në propozimin që bëjmë ne nëpërmjet votës sekrete në përzgjedhjen e kandidatëve që do të votohen nga Parlamenti, vota sekrete garanton atë që është thelbësore, pamundësinë e plotë për të etiketuar politkisht secilen prej 12 kandidaturave që do të dalin për komisionet e Vetingut.
Parlamenti është parashikuar që do të jetë ai që do të zgjedhë mes kandidaturave profesionale, por kjo nuk do të thotë aspak politizim. Flitrimi jo nga partitë, por nga një organ kushteutes me monitorim ndërkpmbëtar sdo të garantojë që këto kandidatura janë jashtë cdo ndikimi politik.
Me propozimin që bëmë publik dhe që do ta ilustrojmë nesër PD ka lëvizuar nga propozimi i bërë nga OPDAT dhe EURALIUS, dhe i pranuar prej nesh që në shkurt i mishëruar edhe në draftin që paraqiti PD në muajin maj, i vendeve të rezervuara”, është shprehur Bylykbashi.
