Të paktën 100 mijë lekë gjobë merr nga Tatimet nëse nuk bën në kohë deklarimin e punëtorëve të siguruar, gati dyfishin e sigurimit minimal.
Qytetarët ankohen për gjoba të tillë ndërkohë që biznesi person fizik është në 90 për qind rasti i vetëpunësimit.
Në fund të fundit gjoba nuk është proporcionale dhe dëshmon rrugacërinë e administratës së tatimeve kur ka formuluar rregulla që bëjnë bizneset të shohin më të leverdishme të mbyllin biznesin se sa të ndëshkohen ende pa e hapur atë.
Ja cfarë shkruan një qytetar ndërsa ka postuar gjobën:
“Gjobe 100 mije lekeshe, per arsye se kur keni regjistruar biznesin jeni vonuar ne deklarimin e puntoreve te siguruar…Eeshte i vetpunsuari i vetem ne biznesin e tij privat dhe kjo gjobe vjen per vitin 2015. Ju lutem publikojeni dhe kerkojuni edhe te tjereve nese nuk e kane kontrolluar llogarine e tyre ne ” Tatimet e Mia” ….Kjo qeveri eshte nje paftyresi e hapur dhe arrogante me ate shtrese te popullit qe rropatet per te siguruar nje jete me te ulet se standartet minimale …..”
