Një ngjarje me pasjoa fatale ka ndodhur në një familje shqiptare që jeton në Kanada. Tre pjesëtare e familjes Vokshi kanë humbur jetën në një aksident tragjik në Kanada mbrëmjen e së Premtes. Xhemile Vokshi 55 vjeçe, vajza e saj Valbona Vokshi 35 vjeçe dhe mbesa Isabela Kuci 5 vjeçe, si dhe një 27vjeçare kanadeze, janë viktimat e shënuar nga ky aksident i rëndë.
Sipas raportimeve të mediave të huaja në aksident janë përfshirë disa makina, në njërën prej të cilave ndodhej edhe motra e Valbonës me djalin e saj, por për fat kanë shpëtuar pa lëndime serioze. Mësohet se mbrëmjen e tragjedisë Valbona, e cila ishte duke i dhënë makinës, po kthehej së bashku me familjen nga një kënd lojërash. Policia po heton ende mbi shkaqet e kësaj ngjarjeje dhe deri më tani pista kryesore mbete ajo e gabimit të njërit prej shoferëve që është përfshirë në aksident. Ndërkohë disa nga miqtë e kësaj familjeje kanë nisur të mbledhin ndihma ekonomike për t’u ardhur në ndihmë. Sipas tabloidit britanik ‘Thestar.com’, shkruhet se Valbona kishte emigruar në Kanada para 15 vitesh dhe jetonte së bashku me familjen e saj.
