FOTO/ Aksidenti në Qafë-Muzinë, ja pamjet nga vendngjarja

Një autobus me nxënës dhe një makinë janë përplasur në Qafën e Muzinës në Sarandë. Mësohet se në autobus udhëtonin nxënës nga Tirana që ktheheshin nga një eskursion.

Në këtë përplasje mësohet se kanë mbetur të plagosur rëndë 7 persona.

Policia informon se:“Rreth orës 16:30 ka ndodhur një aksident në aksin rrugor “Sarandë – Gjirokastër” pranë vendit të quajtur “Qafa e Muzinës”, ku praprakisht dyshohet se një automjet me targë greke KIB366 është përplasur aksidentalisht me një autobuz me targë AA655KU dhe për pasojë kanë marrë dëmtime vetëm 7 persona.

Të dëmtuarit ndodheshin në automjetin me targë të huaj, konkretisht ka pësuar dëmtime drejtuesi i mjetit, dy bashkëshortë si dhe 4 fëmijët e tyre, për të cilët po punohet për gjeneralitetet përkatëse”.

Shërbimet e Policisë ndodhen në vendin e ngjarjes, bashkë me shërbime të tjera mbështetëse në ndihmë të personave të lënduar, të cilët janë trasportuar në drejtim të Spitalit të Gjirokastrës.

Policia informon se autobusi me studentë nga Tirana ishte për ekskursion në Sarandë dhe po kthehej në kryeqytet. Për fat të mirë nuk ka asnjë të lënduar.

Si pasojë e aksidenti u shkaktuan radhë të gjatë deri në 1 km në të dy anët e rrugës. Ndërhyrja e policisë më pas solli edhe vijimin normal të qarkullimit rrugor.

Policia po punon për sqarimin e shkaqeve të aksidentit.