Ndalohen 3 punonjës të Degës Doganore Berat për veprën penale ‘’Kontrabanda nga punonjës që lidhen me veprimtarinë doganore’’
Seksioni për Krimin Ekonomik dhe Financiar ndaloi doganierët:
1. Evis Plaku, 29 vjeç, banues në Berat, me detyrë ish kryetar i Degës Doganore Berat.
2. Akion Hysi, 30 vjeç, banues në Berat, me detyrë doganier regjimi dhe akciz në Degën Doganore Berat.
3. Dhame Xhamballo, 55 vjeç, banues në Berat, me detyrë doganier i vlerësimit në Degën Doganore Berat.
Ndalimi ndaj këtyre shtetasve u bë pasi Gjykata e Rrethit Gjyqësor Berat ka vendosur masën e sigurisë ‘’Arrest me burg’’, për veprën penale ‘’Kontrabanda nga punonjës që lidhen me veprimtarinë doganore’’ e kryer në bashkëpunim, parashikuar nga nenet 175 dhe 25 të Kodit Penal.
