Specialistët për Krimet në Komisariatin e Policisë Durrës, në vijim të punës për zbardhjen e ngjarjeve pa autorë, në sajë të veprimeve hetimore intensive kanë finalizuar operacionin e koduar “Egnatia”. Në kuadër të këtij plan operacioni kanë kapur dhe ndaluar dy persona, të cilët për një periudhë disa mujore kanë vjedhur pjesë të ndryshme makinash
Efektivat e Komisariatit të Policisë Durrës në vijim të hetimeve kanë bërë të mundur zbardhjen dhe dokumentimin e 10 ngjarjeve, ku këta persona në bashkëpunim me njëri – tjetrin dyshohen si autorë të tyre.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja” në bashkëpunim parashikuar në nenin 134 / 2 të Kodit Penal.
Të arrestuarit
• Artan Tabaku 22 vjeç, banues në Shijak;
• G. H. 17 vjeç, banues në Shijak.
Vjedhjet e dokumentuara
1. Më datë 16.04.2016, në lagjen Nr. 13, Durrës kanë vjedhur pasqyrat anësore të mjetit tip Benz, në pronësi të shtetasit A. I. 39 vjeç, banues në Prizren.
2. Më datë 20.04.2016, në lagjen Nr. 3, Durrës kanë thyer xhamin e trekëndëshit të derës së pasme dhe kanë vjedhur dy pasqyra të mjetit tip Benz, në pronësi të shtetasit I.B. 27 vjeç, banues në Durrës.
3. Më datë 30.04.2016, në lagjen Nr. 13, Durrës kanë thyer xhamin dhe i kanë marrë kasetofonin mjetit tip Benz, në pronësi të shtetasit B. B. 22 vjeç, banues në Durrës.
4. Më datë 06.05.2016, në lagjen Nr. 9, Durrës kanë tentuar të vjedhin kasetofonin në mjetin tip Opel Astra, në pronësi të shtetasit B. A 32 vjeç, banues në Durrës.
5. Më datë 19.05.2016, në lagjen Nr. 4 kanë vjedhur sensorët e mjetit tip Benz, në pronësi të A. L. 30 vjeç, banues në Durrës.
6. Më datë 20.05.2016, në lagjen Nr. 13 kanë vjedhur shiritin e sensorëve të mjetit tip Benz, në pronësi të shtetasit E. I. 29 vjeç, banues në Durrës.
7. Më datë 22.05.2016, në lagjen Nr. 2, Durrës kanë thyer xhamin dhe i kanë vjedhur kasetofonin mjetit tip Renault, në pronësi të shtetasit A. Q. 28 vjeç, banues në Durrës.
8. Më datë 24.05.2016, në lagjen Nr. 3, Durrës kanë vjedhur dy sensorë të mjetit tip Benz, në pronësi të shtetasit F. V. 23 vjeç, banues në Durrës.
9. Më datë 30.05.2016, në lagjen Nr. 3, Durrës kanë vjedhur kasetofonin dhe navigatorin në mjetin tip Benz, në pronësi të shtetasit G. B. 46 vjeç, banues në Tiranë.
10. Më datë 14.06.2016, në lagjen Nr. 6, Durrës kanë vjedhur dy pasqyrat e mjetit tip Benz, në pronësi të shtetasit D. Sh. 38 vjeç, banues në Durrës.
Në cilësinë e provave materiale janë sekuestruar:
• pjesë të ndryshme të vjedhura në automjete;
• mjete e kryerjes së veprës penale.
