Ish-Kryetari i Bashkisë së Përmetit Gilberto Jaçe është dënuar me një vit burg për shpërdorim detyre.
Dënimi i tij është dhënë nga Gjykata e Shkallës së Parë të Përmetit për një objekt 70 metra katrorë që i ishte dhënë me qira një personi nën administrim për 6 muaj.
Gilberto Jaçe humbi zgjedhjet vendore muajin e kaluar, i cili kandidoi për Aleancën për Shqipërinë Europiane, nën siglën e Partisë Socialiste. Jaçe kishte hedhur poshtë më parë akuzat e Prokurorisë, duke thënë se çdo veprim i kryer nga ai është tërësisht jo abuziv dhe konform ligjit.
Sipas tij, hapësira prej 70 metra katrorë është dhënë në korrik të 2015 me qera ndaj Muhamet Berzanit, ish-këshilltar i majtë në Këshillin Bashkiak të Përmetit, ndërkohë që tjetërkush që pretendon të jetë pronar i një hapësire publike, denoncoi këtë aferë në organin e akuzës.
