Projekti është miratuar në të gjitha nenet nga komisioni i Reformës në Drejtësi, konfirmoi kryetari i këtij komisioni Fatmir Xhafaj. Ai shpjegoi se miratimi nuk do të pengojë konsensusin e mëtejshëm për cështjet që nuk kanë rënë në dakord dhe se kjo lë hapur mundësinë për negociata dhe ndryshime në draft.
“Arsyeja e parë, ne e miratuam se duhet të përmbyshim detyrën tonë caktuar nga vendimi i Parlamentit nga nëntori i viti 2014 , arsyeja e dytë është se nëse nuk miratojmë këtë projekt në 99 për qind të dakordësuar ne nuk mund të vijojmë më projekligje që ndjekin reformën. Janë mbi 40 ligje, 7 prej të cilave janë prioritare.
Sepse duhet të kapim afatet proceduriale për të miratuar projektin me 7 ligjet përkatëse brenda sesionit parlamentar.
Nëse nuk miratohej do të shtyhej miratimi i këtij projekti dhe kjo paraqet rrezikun për mosmiratimin e BE për hapjen e negociatave me Shqipërinë.
Sot quhet e përfunduar puna e komisionit të Posacëm Parlamentar”, tha Fatmir Xhafaj.
