Marsela Caushaj është gruaja e cila u dhunua barbarisht në publik nga ishbashkëshorti i saj teksa në krahë mbante edhe fëmijët. Ngjarja ndodhi në Vlorë. Dhe e gjitha u filmua nga qytetaret dhe u be publike në ineternet, ku edhe shkaktoi reagime te forta dhe sensibilizim te qytetareve. Ajo ka folur për mediat dhe është shprehur se nuk ishtë hera e parë që ish-bashkëshorti i saj bën veprime të tilla.
“Më kërcënoi duke më thënë “nuk do fillosh punë’, më tha “m’i jep fëmijët t’i mbaj unë”, është hera e dytë që më dhunon në publik. E kam kallëzuar dy herë në polici. Jemi të ndarë prej 3 vitesh, ai është i alkoolizuar. Kam kërkuar 3 herë urdhër mbrojtje. Doja të gjeja një punë të rrisja fëmijët. Sot do filloja punë të mbaja një grua të moshuar”, ka thënë për mediat Marsela. Pas videos që u bë publike, menjëherë ka reaguar policia e Vlorës. Mësohet se shtetasi që rreh gruan në rrugë, quhet Ilir Paja dhe është arrestuar nga policia.
