Kanë kaluar rreth 2 orë e gjysëm nga takimi Basha-Rama ndërkohë që duket qartësisht se palët janë të vendosura të gjejnë një formulë konsensusi për reformën në drejtësi dhe atë zgjedhore. Nuk përjashtohet që në takim të diskutohet edhe për cështje të tjera që lidhen me zhvillime politike të muajve në vijim.
Informacioni nga brenda takimit nuk ka dhe sic duket të gjitha palët kanë fikur telefonat për persona që mund të shpërndajnë detaje rreth takimit.
Deri tani ka vetëm një koment të Berishës i cili natyrisht që njeh mirë qëndrimin që do mbajë opozita në takim i cili kritikoi zhvendosjen e takimit nga bilateral në trelateral, një formë e shfaqjes politike që dikur e formuloi vetë, atë të politikës tripolare.
LSI, në jo pak raste ka qenë më afër PD se sa PS në qëndrimet e saj për reformën në drejtësi. Megjithatë kohët e fundit Meta ka mbështetur draftin e mbështetur edhe nga PS pasi siguroi qëndrimet e veta në pjesën e parë të reformës që lidhet me antikorrupsionin dhe luftën kundër krimit të organizuar.
