Kryetari i PD-së, Lulzim Basha deklaroi se ajo cfarë kërkonte opozita nuk ishte asgjë më shumë se ajo që kishin sugjeruar ndërkombëtarët në mënyrë që institucionet e drejtësisë të siguronin pavarësinë e funksionimit të tyre.
Basha citoi me këtë rast paragrafin 88 të draftit të reformës që u përgadit nga Komisioni i Venecias.
Ja cfarë thotë ky paragraf të cilin Kryeministri Rama dhe mazhoranca e refuzojnë me këmbëngulje duke cuar edhe në dështimin e takimit të shumëpritur Basha-Rama.
“88. Me qëllim përgatitjen e tekstit përfundimtar, Komisioni i Venecias i rekomandon autoriteteve shqiptare që t’i kushtojnë vëmendje çështjeve të mëposhtme:
– Nëse palët në procesin politik nuk pranojnë shumicën e cilësuar të kërkuar për anëtarët jo gjyqtarë të KLGJ, KLP, KPK dhe DHSK, ata mund të zgjedhin një sistem proporcional që garanton përfaqësimin e opozitës mes organeve kolektive ose çdo model tjetër të përshtatshëm që do të siguronte ndikimin e opozitës në procesin e zgjedhjes”
