Pas të dhënave që ka nxjerrë policia lidhur me skeletin gati trevjeçar të gjetur në Shkallë kanë lindur edhe dyshimet e para për identitetin e viktimës.
Dyshohet se kufoma i përket i përket Enver Stafukës i cili u rrëmbye afro dy vite më parë në qytetin e Fushë-Krujës nga katër persona të veshur me uniformë policie.
Trupi u gjet nga një bari i zonës i cili e pa kufomën të mbuluar me gurë.
Mbetjet e skeletit u dërguan në laboratorin shkencor për të bërë ADN.
Rrëmbimi i Enver Stafukës
Enver Stafuka dyshohej si autori i vjedhjes së automjetet që u përdor nga autorët për vrasjen e kryekomisarit Dritan Lamaj në vitin 2013. Ai u rrëmbye më 8 shkurt 2015 pranë komisariatit të policisë në Fushë Krujë nga 4 persona të veshur si policë. Nga pamjet e videos së kamerave të sigurisë duket Stafuka që del nga lokali rreth orës 19:47 dhe tenton të hipë në automjetin e tij. Por në këtë moment tre persona shkojnë tek makina dhe e prangosin. Pas prangosjes së Stafukës afrohet një mjet tip “Golf”. Stafuka futet në pjesën e pasme të makinës. Makina me Stafukën niset me shpejtësi drejt Tiranës. 48-vjeçari njihej nga policia si person me precedentë penalë, pasi ishte dënuar katër herë.
Stafuka është baba i katër fëmijëve.
