Një 12-vjeçar ka vdekur ndërsa merrte pjesë në një lojë të çmendur e të rrezikshme online, që nuk i lejonte trurit të furnizohet me oksigjen. Karnel Haughton, nga Tyburn, në Birmingham mendohet se ka humbur jetën pasi është mbytur.
Miqtë dhe prindërit e adoleshentit tashmë kanë ngritur alarmin duke paralajmëruar fëmijët dhe të rinjtë e tjerë nga rreziku i kësaj loje online e zhvilluar kryesisht mes adoleshentësh të cilët filmojnë veten duke u vetëmbytur dhe më pas i postojnë ato në rrjetet sociale.
Karnel dyshohet se ishte duke e aplikuar lojën në dhomën e tij të gjumit kur ka humbur ndjenjat. Ai është zbuluar nga nëna e tij, Gemma vetëm në mëngjes dhe ka humbur jetën pak momente më vonë në spital. Policia ka nisur hetimet për vdekjen e adoleshentit, që deri më tani është cilësuar e ‘pashpjegueshme’.
/Shqip
