Kryeministri Edi Rama ka përshëndetur anëtarësimin e Shqipërisë në NATO plot pas 7 vitesh që ajo është bërë anëtare duke e quajtur momentin e atashimit në Aleancë si një big bang shqiptar që ndryshoi përfundimisht historinë e vendit.
Kryeministri përshëndeti sot Asamblenë Parlamentare të NATO-së e cila prej tri ditësh po mbahet në Tiranë.
Ai tha se ky është një aktivitet i rëndësishëm për Shqipërinë dhe se pas Asamblesë vendi pret hapjen e një baze të NATO-s në Shqipëri. Ai përshëndeti me këtë rast edhe kryetarin e delegacionit shqiptar në NATO, Pandeli Majko.
Rama vuri në dukje në fjalën e tij rëndësinë e anëtarësimit në NATO të Malit të Zi dhe kërkoi që të shpejtohen hapat për anëtarësimin e Maqedonisë po ashtu.
