Prej 10 ditësh është zhdukur nga banesa e saj një 16 vjecare nga Sukthi e Durrësit. Gazie Kazija është adoleshentja nga Sukthi, nxënëse e vitit të parë gjimnaz, e cila ka qënë në familjen e saj për her të fundit që në datën 17 maj.
Sipas dëshmisë së mamasë së Gazijes dhënë për tëlëvizionin Kaln, përveç telefonit celular, që rezulton i fikur, nuk ka marrë asnj send tjetër me vete. Mamaja e 16 – vjeçares hedh dyshime se vajzën ia kanë rrëmbyer. Ankthit për largimin pa asnjë gjurmë të vajzës, i është shtuar edhe frika për tre fëmijët e tjerë. E në të njëjtën kohë, akuzon Policinë e Durrësit se nuk po bën sa duhet për t’i gjetur të bijën. E kontaktuar nga Televizioni Klan, Policia e Durrësit sqaroi se po bëhen kërkime në të gjithë vendin. Fotografia e vajzës është shpërndarë në të gjitha rajonet e policisë, por ende nuk kanë asnjë gjurmë të saj. Ndërkaq, nëna e 16 – vjeçares ka edhe një apel për të bijën.
