Komisariati i Policisë Nr 6 në Tiranë, pas informacioneve të marra në rrugë operative dhe mbajtjes nën mbikëqyrje të të dyshuarve, është bërë i mundur arrestimi në flagrancë i shtetasve:
Orgest Osmani, 18 vjeç, banues në Tiranë, i dënuar më parë për vjedhje, Romario Çuko, 18 vjeç, banues në Tiranë, Valter Sulenji, 18 vjeç, banues në Tiranë, i dënuar më parë për vjedhje.
Pasi më datë 26.05.2016, të tre shtetasit e lartë përmendur janë kapur në flagrancë në momentin që po vidhnin dyqanin e shtetasit R. P.
Nga hetimet e kryera dhe nga informacionet e marra është arritur të dokumentohet se këta shtetas në bashkepunim me njëri-tjetrin janë autorë të disa vjedhjeve të tjera:
Më datë 23.05.2016, në rrugën “Thoma Koxhaj” janë vjedhur disa materiale në automjetin e shtetasit N. S.
Më datë 20.05.2016, në rrugën “Loni Ligori” është vjedhur banesa e shtetases V. H.
Më datë 17.05.2016, në rrugën “Ali Kelmendi” është vjedhur lokali i shtetasit R. Xh.
Më datë 16.05.2016, në Kombinat është marrë kasetofoni i automjetit të shtetasit O. M.
Më datë 15.05.2016, në rrugën “Tanush Frasheri” janë vjedhur disa vegla pune në automjetin e shtetasit E. Ll.
Më datë 28.04.2016, në rrugën “Kole Kçi” është marrë kasetofoni i automjetit të shtetasit R. S.
Më datë 13.05.2016, në Kombinat është marrë kasetofoni i automjetit të shtetasit B. B.
Më datë 30.04.2016, në rrugën “Haki Stërmilli është vjedhur dyqani i shtetasit S. Zh.
Më datë 19.04.2016, në rrugën “Mikel Maruli” janë vjedhur dy pasqyrat e automjetit në pronësi të të shtetasit J. T.
Më datë 13.04.2016, në rrugën “Teodor Keko” është tentuar të vidhet zyra me administrator shtetasin R. P.
Më datë 07.03.2016, në rrugën “Vasil Tramara” është vjedhur banesa e shtetasit D. D.
Materialet i’u kaluan Prokurorisë së Rrethit Gjyqësor Tiranë, për vepren penale “Vjedhje”, parashikuar nga Neni 134/2 i Kodit Penal.
