Flokët që do jenë në modë për këtë vit do jenë ato që janë me ngjyrë të përziera. Pra, nëse deri më tani keni preferuar që ta mbani ngjyrën tuaj natyrale të flokëve, këtë vit ju duhet patjetër ta ndryshoni atë.
Ajo e cila është më në modë për vitin 2016 është ngjyra e kuqe, me nuancë të qershisë sidomos per veren. Por, ato që nuk duan teprime, mund të përdorin ngjyra të dozuara tek natyralja.
Ja disa nga ngjyrat e preferuara për këtë vit:
Flokët ngjyrë karamele
Kjo ngjyrë mund të përbëhet nga ngjyra bionde dhe gështenjë. Kjo ngjyrë të krijon një pamje të veçantë dhe përshtatet mirë me çdo ngjyrë lëkure.
Ombre alternative me nuanca të së kuqes
Kjo është një teknikë e re e cila rrinë shumë bukur dhe është shumë pranverore.
Bionde e theksuar
Në të vërtet kjo është një ngjyrë e cila nuk del kurrë nga moda dhe ka më shumë se 50 vite që përdoret te femrat. Kështu, edhe ky vit nuk e lë mënjanë, përkundrazi këtë ngjyrë e nxjerrë në pah me modele të shkurtra të flokëve.
Ngjyra e hirit me nuanca të vogla të së kaltrës
Këtë ngjyrë kemi mundur ta shohim në flokët e shumë yjeve botërore. Por, sivjet ajo vjen me një ndryshim të vogël duke marrë tonalitete të ngjyrës blu.
Rrënje të ngjyrosura
Ky model është një lloj shatushi, por jo siç jemi mësuar gjithmonë duke lyer vetëm flokët poshtë e jo rrënjën. Sivjet trend është që të lyhen me një ngjyre ndryshe nga pjesa e tjetër e flokëve. Kjo është një mënyrë më ndryshe se që jemi mësuar ta shohim deri më tani.
Ngjyra roze e artë
Ngjyra Roze e artë është një ngjyrë të cilën e preferojnë shumë VIP. Por, kjo është një ngjyrë e cila të bënë të dukesh shumë elegante.
