Shpëtim Idrizi rikonfirmohet në krye të PDIU-së. Pas përfundimit të numërimit të votave rezultoi se Idrizi kishte marrë 72.4 % të votave kundrejt 27.6 % të votave të rivalit të tij, Halil Hyseni.
Komisioni Qendror i Administrimit të Zgjedhjeve, pasi administroi dhe analizoi të dhënat, shpalli se pjesëmarrja e votimeve në rang kombëtar ishte 81.5 për qind, konkretisht 19634 votues, prej 24102 anëtarëve.
Anëtarët votuan për kryetarin e PDIU-së, mes kandidatëve Halil Hyseni dhe Shpëtim Idrizi; kryetarët e degëve të PDIU-së në rang bashkie; si edhe për 1000 delegatë për kongresin që do të zhvillohet më 4 qershor, nga më shumë se 1400 kandidatë për delegatë.
Shpëtim Idrizi rikonfirmohet në krye të PDIU-së
