Sigurimi i Shtetit ka përgjuar edhe në vitin 1991 të përndjekurit politikë. Jo vetëm kaq por ka kërkuar që ministria e Drejtësisë të gjejë shkaqe ligjore që të mos miratohet krijimi i shoqatës së tyre.
Kërkuesi i arkivave, Kastriot Dervishi ka zbuluar nëj dokument që tregon aktivitetin e Sigurimit të Shtetit edhe pak muaj pas pluralizimit në Shqipëri.
“Më 14.4.1991 në Tiranë u bë një mbledhje e ish të dënuarve politikë të Shqipërisë, qëllimi i së cilës ishte formimi i shoqatës së tyre. Aktiviteti i të përndjekurve u survejua nga Sigurimi, pavarësisht se në objektin e punës së tij kjo kompetencë ishte hequr. Jo vetëm kaq, por Sigurimi i sugjeronte Ministrisë së Drejtësisë që kërkesa të mos pranohej, të gjendeshin shkaqe për të mos ta miratuar këtë kërkesë. Lufta e klasave zhvillohej njësoj edhe në kushtet e reja”, shkruan Dervishi.
