Foto Ilsutruese
Policia e Vlorës ka arrestuar në flagrancë tre persona për “Shfrytëzim prostitucioni” dhe “Mbajtja e lokaleve për ushtrimin e prostitucionit”.
Seksioni Kundër Trafiqeve të Paligjshme, gjatë një pune hetimore 2 mujore, kanë bërë të mundur dokumentimin, kapjen dhe arrestimin në flagrancë të këtyre personave, për arsye se, Eqerem dhe Ylmie Ibrahimi, bashkëshortë me njëri-tjetrin si dhe pronarë të lokalit “Sea” në lagjen “1 Maji” përballë vendit të quajtur “Ish-fabrika e llambave”, kishin krijuar kushtet për ushtrimin e kësaj veprimtarie kriminale për qëllime përfitimi, duke shfrytëzuar shtetasen A. H., për ushtrimin e prostitucionit kundrejt shumës së parave prej 3000 lekë (tre mijë lekë të rinj).
Të arrestuar
1. Eqerem Ibrahimi, 62 vjeç, banues në Vlorë.
2. Ylmie Ibrahimi, 58 vjeç, banuese në Vlorë.
3. A. H., 44 vjeç, banuese në Vlore.
