Kreu i Partisë Demokratike, Lulzim Basha i ftuar në emisionin “Opinion” përballë gazetarit Blendi Fevziu tha se Edi Rama dhe Ilir Meta nuk donin njerëz si gjyqtari që arrestoi Shullazin, por donin njerëz që t’i merrnin për këmbë.
“Kjo është mazhoranca që zvarriti reformën, pasi këta njerëz kanë frikë nga reforma, ata dridhen sepse të fortët e tyre do merrnin fund nga ajo”, u shpreh Basha.
Basha tha se PD nën lidershipim tim është partia ku shqiptarët bashkohen për një drejtësi të pavarur.
Për PD-në procesi më i mirë është votimi elektronik nëpërmjet shenjës së gishtërinjve. Për Lulzim Basha sistemi më shumë se sistemi zgjedhor për Partinë Demokratike i rëndësishëm është procesi zgjedhor.
“E gjithë vëmendja jonë është te procesi. Ne jemi për votim elektronik me shenja gishtërinjsh, Që është plotësisht e realizueshme. Që do të thotë automatikisht. Ku eliminohet një potencial i madh për intimidimin e qytetarëve për blerjen e votave. Votimi e zhduk mundësinë që një palë e tretë të shikojë se si ka votuar qytetari. Dhe për gjysmë orë vjen rezultati në rang kombëtar…
Lulzim Basha ka sqaruar edhe kur dhe pse është kundër Sali Berishës.
“Z Berisha i merr denoncimet nga qytetarët. Por Partia Demokratike i bën një skanim të hollësishëm të arbitraritetit qeveritar. Nuk ka ardhur kush në tre vite që të rrëzojë denoncimet tona”, sqaroi Basha.
Lulzim Basha sqaron kur dhe pse është kundër Sali Berishës
