Ilir Meta udhëton drejt SHBA-ve…, po te “Zëri Amerikës” do të shkoj…?!

Kreu i Kuvendit Ilir Meta, mësohet se do të udhëtojë sërish drejt SHBA-ve. Duket axhenta e kësaj vizite përfshin një takim në Kongresin amerikan.
Këtë e lajmëron edhe vetë, ndërsa mësohet se para vizitës i ka adresuar një mesazh këtij kongresi.
Nëpërmjet këtij mesazh ai shprehet se në SHBA shkon si lider i trupit parlamentar të një vendi në demokraci të maturuar. Meta thotë se ndihet i nderuar që do takojë anëtarë të kësaj administrate.
Kreu i Kuvendit në mesazhin e tij vlerëson bashkëpunimin me SHBA dhe mbështetjen e dhënë vendit tonë në vite.
Në mesazhin e tij Ilir Meta ndalet edhe te kriza e refugjatëve me të cilën po përballet aktualisht rajoni. Kreu i Kuvendit thotë se nevojitet bashkëpunim për përballimin e situatës.
Në një periudhë brenda 6 muajve, ky udhëtim është i dyti për Ilir Metën në SHBA.
Vizita e parë e fundit të tetorit të vitit të kaluar, më shumë se sa për axhentën e tij, do të mbahet mend për atë intervistë “kryqëzuese” te studiot e “Zërit të Amerikës”.
Pyetja që lind në prag të kësaj vizite të dytë është “po te studiot e ‘Zërit të Amerikës’, për një intervistë tjetër të mundshme do të shkojë  sërish Ilir Meta…?!”.