Interpol Tirana ekstradoi sot nga Athina një shqiptar të dënuar me 10 vjet burg për vrasje. Ngjarja ka ndodhur në vitin 2008 në Vlorë.
Burime zyrtare të Interpoli, bëjnë të ditur se u krye ekstradimi nga Athina/Greqi drejt vendit tonë i Besnik Rikaj, 45 vjeç, banues në Vlorë.
Gjykata e Rrethit Gjyqësor Vlorë , me vendimin Nr. 258, datë 06. 10. 2009, e ka dënuar me 10 vjet burgim, për kryerjen e veprave penale, “Vrasje me dashje”.
Ngjarja
Në datën 5 shkurt 2008 rreth orës 09:30, ky persona ka goditur me thikë shtetasin me inicialet A. K. Konflikti lidhet me një makinë që Besniku ja ka marrë kunatit të A. K., shtetasit me inicialet G. R., dhe nuk ja ktheu më.
Pasi e ka goditur disa herë në kokë me mjet prerës, Besniku është larguar dhe një kalimtar i rastit e ka dërguar në spitalin të dëmtuarin ku më pas ka humbur jetën.
Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi me qëllim ekstradimi drejt vendit tonë.
