Berisha: Nga vrasja e Çollakut te Çiça në ish bllok, ja lidhjet me krimin të Çipës, Qebinit, Alushit e Trimit

Ish-kryeministri Sali Berisha akuzoi Policinë e Shtetit se është e lidhur me krimin. Duke u ndaluar në vrasjen më të fundit në ish-bllok, por edhe vrasjen e Gazmend Çollakut në Durrës, Berisha tregoi versionin e tij sesi policia është e lidhur.
Ai akuzon zyrtarë të lartë të policisë që janë lidhur drejtpërdrejt me prishjen e provave për vrasjen e Çollakut.
“Domart Konjari, ai supertrafikanti në Francë pasaportën e tij me identitet tjetër Arben Laze në tetor 2015 ja ka bërë shefi i komisariatit nr. 3, Elton Alushi me porosi të lidhjes së ngushtë të Saje qorrit, te Besmir Qebinit. Ky zotëri e mori praktikën doraz për Domartin.
Me insistimin e Milit të partisë të dy këta janë nga Tepelena dhe janë shokë të ngushtë me njëri-tjetrin.
Alban Trimi që ka qenë prezent kur u vra Eltoni, është oficer policie mik i ngushtë i Besmir Qebinit dhe ky i fundit ka prezantua Alban Trimin me Elton Çiço.
Eltoni ka bërë trafik droge me kushërinjtë e Besimirit që janë pjesëtarë të grupit të Eltonit. Besmir ka prezantuar Eltonin me Emiljanon nëpërmjet Alban Trimit dhe mbante kontaktet. Saje qorri cdo kontakt me banda e mbante nëpërmjet Besmirit dhe ndante dhe ky i fundit me Alban Trimin me atë që po pinte kafe ku u vra personi.
Pse e lexova këtë? Për të treguar shkallën e tmerrshme të inkriminimit të zyrtarëve të lartë të policisë
A e dini kush i prishi provat e Çollakut që u vra në Durrës?
Provat i prishi prokurori që po hetonte me zyrtarë të lartë të policisë, me Ardian Çipën.
Ardian Çipa është një miqtë më të ngushtë të Gent Xhixhës. Është njeriu që ka marrë Xhixhën te Shqiponja në makinën e tij dhe e ka përcjellë jashtë. Ardjan Cipa që mbahet për disa arsye të veçanta është trajtuar në Holandë nga Genc Xhixha.
Pra i solla këto për të shprehur edhe njëherë denoncimin tim më të madh, indinjatën më të thellë.
Ftoj shqiptarët të mendojnë për një moment për të ardhmen e tyre dhe rruga e vetme për të pasur një copë të ardhme në këtë vend është të të përzënë nga pushteti me të gjitha mjetet demokratike të mos bindjes civile”, denoncoi Berisha.