Foto Ilustruese
Policia e Tiranës ka arrestuar një person të dyshuar për një sërë vjedhjesh. Burime zyrtare të drejtorisë Vendore të Policisë së Tiranës, bëjnë të ditur se specialistët për Krimet në Komisariatin e Policisë nr. 2 kanë bërë kapjen dhe arrestimin në flagrancë të Daniel Bushka, 25 vjeç, banues në Tiranë .
Ky shtetas në datë 02. 05. 2016 rreth orës 23:30 dyshohet se ka thyer xhamin e një banke të nivelit të dytë që ndodhet në rrugën “Abdyl Frashëri”, në Tiranë.
Pas punës operative dhe procedurale të bërë nga ana e specialistëve të Komisariatit Nr. 2, është arritur të dokumentohet me prova ligjore dhe një sërë ngjarjesh të tjera kriminale.
Materialet procedurale iu kaluan Prokurorisë pranë Gjykatës Shkallës së Parë Tiranë, për veprat penale të “Shkatërrimit të pronës” dhe “Vjedhjes”, parashikuar nga Neni 150 dhe 134 i Kodit Penal.
Vjedhjet e dyshuara
1. Më datë 06.04.2016,në rrugën “Medar Shtylla”, ka vjedhur banesën e shtetases A. S.
2. Më datë 08.04.2016, në rrugën “Muhamed Gjollesha”, ka vjedhur me thyerje dyqani i shtetasit B. P.
3. Më datë 19.04.2016, në rrugën “Pjetër Bogdani”, ka tentuar të vjedhë me thyerje banesën e K. M.
4. Më datë 24.04.2016, në rrugën “Muhamet Gjollesha”, është vjedhur banesa e shtetasit E. Sh.
5. Më datë 26.04.2016, në rrugën “Sami Frashëri”, është vjedhur me thyerje, banesa e shtetasit Sh. D.
6. Më datë 27.04.2016, në rrugën “Irfan Tomini”, është vjedhur banesa e shtetases D. K.
7. Më datë 02.05.2016, në rrugën “Abdyl Frashëri”, ka thyer xhamin e një banke të nivelit të dytë.
